Sertifiseringskurs i kjernemodellen
Lær alt du treng å vite for å ta i bruk kjernemodellen i din eigen organisasjon, inkludert førearbeid, prioriteringsverkstad og fasilitering av kjerneverkstad.
Kjerneverkstaden må styrast av ein fasilitator som held orden på agenda og tidsbruk, sikrar framdrift og deltaking og er tilgjengeleg for å hjelpe og gi råd.
Fasilitatoren bør ha erfaring med workshopleiing og ha sett seg inn i metoden. Det finst også ei eiga sertifisering for fasilitering av kjerneverkstad.
Lær alt du treng å vite for å ta i bruk kjernemodellen i din eigen organisasjon, inkludert førearbeid, prioriteringsverkstad og fasilitering av kjerneverkstad.
Det er alltid ein fordel å ha fleire fasilitatorar, særleg viss det er mange deltakarar. Éin må ha hovudansvaret for fasiliteringa, medan dei andre er støtte.
Gangen i ein kjerneverkstad
Sjølve kjerneverkstaden består av fire delar: introduksjon, parvis arbeid med kjernemodellen, plenumspresentasjon med diskusjon og avslutning. Du må også sette av tid til deling og pausar undervegs.
Velkomen og introduksjon
Sørg for å gi ein god introduksjon av prosjektet eller utfordringa de skal jobbe med. Gjer det tydeleg for alle kvifor dei er der og kva dei kan bidra med. Bruk førearbeidet med strategi og brukarinnsikt til å utdjupe, og del presentasjonen du har førebudd.
Start med å la alle deltakarane presentere seg kort. Introduser metoden og del deltakarane inn i kjernepar som skal sitte saman to og to.
Formidle strategi og brukarinnsikt
Alle deltakarane må ha ei god forståing av både strategien og brukarinnsikta før dei startar på sjølve kjerneelementa. Viss du har høve til det, bør du få ein leiar til å presentere dei relevante delane av strategien. Det gir autoritet til innhaldet.
For å skape både engasjement og forståing for brukarinnsikta må du kommunisere effektivt.
Før du set i gang med å formidle brukarinnsikta, bør du lytte til kva dei gamle grekarane lærte oss om retorikk - eller “kunsten å overtyde”.
Aristoteles skilde mellom tre bevismiddel, og du skal bruke alle saman når du presenterer brukarinnsikta.
Men gjer det effektivt - akkurat så mykje som trengst for å mobilisere forsamlinga.
Elementa i kjernemodellen
Set så kjernepara i gang med å jobbe med elementa i kjernemodellen. Para bør helst jobbe parallelt med eitt element om gongen.
Gi deltakarane ei tydeleg tidsramme for kvart element, og bruk ei eller anna form for nedteljing.
Bruk ein synleg timer med nedteljing, slik at alle forstår kor lang tid dei har. Bigtimer.net er ein enkel variant du kan køyre i nettlesaren, som også har avslutning med lyd. Ta han opp på prosjektoren når du startar øvingane.
Bonustips
Viss du ser at kjernepara treng kortare eller lengre tid enn rekna med, kan du justere timeren undervegs. Kjernepara er truleg så opptekne med det dei held på med at dei ikkje kjem til å merke det.
Før kvart nytt element i modellen gjer du dette:
Presentasjon og tiltak
Når kjernepara er ferdige med alle elementa i kjernemodellen, skal dei presentere løysingsforslaget sitt i plenum, og deretter kjem ein diskusjon med konkrete forslag til justeringar og korleis forslaget kan realiserast. Her må fasilitatoren styre tida, slik at alle gruppene rekk å presentere forslaga sine.
Ver på jakt etter dei lågthengande fruktene: Kva enkle grep kan de gjere som gir høg verdi? Men ver også ærlege om kva som kan vere meir grunnleggande problem, og korleis de kan gå laus på dei.
Handlingskort
Tiltaka som blir diskuterte, bør dokumenterast på handlingskort. Dette er eit enkelt format som kan brukast for å konkretisere tiltaka etter kvart som dei dukkar opp.
Nye malar, eksempel frå kjerneverkstader og praktiske KI-grep, rett i innboksen. Vil du heller lese boka? Første kapittel er gratis.
Kontakt Lurer du på korleis de kan bruke kjernemodellen, eller treng de hjelp med ein kjerneverkstad? Ta ein uforpliktande kaffiprat.